Sælir félagar.

Maður verður að reyna koma þessu frá og klára fyrir árshátíðina sem verður að öllum líkindum á næstu helgi, 27-28 júní. Eins og ég hef commentað á þá býst ég ekki við að mæta þar sem barnið gæti farið að detta inn (út) á hverri stundu. En þekkjandi skemmtinefndina er ég ekki í neinum vafa um að hátíðin verður glæsileg. Hjalti vantar þig ekki vídjó af einhverjum leikjum til að geta gert samantektarvideo? ég á nokkra leiki síðan síðasta vetur. Held reyndar að það eigi ennþá eftir að taka einhverja tölfræði síðan á tímabilinu.

Upprifjunin heldur áfram (2og3/3)

  • Lánsmaðurinn Axel kom inn í liðið og skilaði 0/3 og 1 frákasti. Minnir mig að þjálfarinn hafi ekki spilað honum mikið. Þetta var skyldusigur en það var ekkert útlit fyrir annað en tap í hálfleik og andlaust lið Brokey var undir 35-27. Hrannar með stórleik 19 stig og 11 fráköst hjálpaði liðinu að skila sigri og eftir töluvert ströggl endaði leikurinn 69-61 og Brokey með 4 sigra og 2 töp og var við topp deildarinnar í fyrsta skipti í sögunni.
  • Næst var síðan háspennuleikur við ÍA í Austurbergi. Brokey voru vel stemmdir í leiknum og það að hafa Mostra á vellinum við hliðina ýtti enn frekar undir baráttuandann. Sveiflukenndur leikur þar sem Brokey leiddi fyrri hálfleikinn 42-34 eftir að hafa verið með 5-9 stiga forystu allan hálfleikinn. 3ji leikhlutinn er sá erfiðasti fyrir okkur virðist vera og það var enginn breyting á í þessum leik, tapaðist 14-27 og forystan farinn og rúmlega það. Eftir mikla spennu í 4. leikhluta og einhverjar umræður við ritaraborðið stóð Brokey uppi sem sigurvegari 80-79. Brokey að toppa töfluna og 5 – 2 sigurhlutfall var draumi líkast.
  • UMFH – Brokey á Hellu. Leikur sem ég veit voðalítið um, enda ekki á honum vegna utanlandsferðar. Skildist að Óli hefði skorað 37 stig sem er met hjá Brokey. Leikurinn tapaðist 105-79. Þið ræðið þetta bara betur á árshátíðinni.
  • Þá var komið að því að hefna ófaranna síðan í fyrri umferðinni móti HK. Brokey mætti með “fullmannað lið” sem um þetta leyti var orðið þetta 6-8 menn þar sem meiðsli og annað var farið að segja til sín í hópnum. Eftir gríðarfjörmikinn 8-8 1. leikhluta tók Brokey við sér og staðan 41-27 í hálfleik. HK átti aldrei séns gegn góðri vörn og enduðu leikar 82-59. Óli 22 og Frikki 21 stig. Duglegir strákar þar á ferð. Ég var farinn að sakna Hjalta í Ungverjalandi en greinilega enginn annar. Já alveg rétt, ég tók 11 fráköst í leiknum, nei ég sakna Hjalta ekki neitt!
  • 900km ferðalag takk fyrir á einum degi. Þetta er auðvitað bara rugl. Á Dalvík var farið á 2 bílum og sumir sváfu meira en aðrir. Sem betur fer vannst sigur 87-70 og Óli með 30 stig og 19 fráköst. Þú mátt sofa á leiðinni í alla leiki ef þú skilar svona frammistöðu. Hrannar með fínan leik líka og fínan LEIK líka! áiiii öxlin!
  • Seinni leikurinn við Leikni á þjóðarleikvanginum var alls ekki eins og menn höfðu vonað. Aðeins 7 menn mættu og þá flestir frekar seint. Gjaldkerinn á klukkunni og hafa menn ekki heyrt jafnmikið væl í langan tíma. Ekki mikið hægt að segja og ekki til nein tölfræði. Leikurinn tapaðist 69-82 sem var síst of stór sigur. Lélegast leikur Brokey í vetur vil ég meina. 7 unnir 4 töp og úrslitakeppnin var horfinn af borðinu.
  • Síðast leikur tímabilsins gegn Árvakri. Sama sagan, enginn tölfræði til en leikurinn vannst 63-57. Hitti ekki einhver frá miðju í þessum leik? alveg minnir mig það!

Heilt á litið langbesta tímabil Brokey hingað til. 8 sigrar er samtala sigra öll hin tímabilin (eða næstum því). Það sem er helst svekkjandi er að tímabilið hefði getað verið ennþá betra með aðeins meiri heppni í meiðslamálum og aðeins meiri áhuga þegar leið að lokum tímabilsins.

Plenty af hlutum sem við getum tekið með okkur inn í næsta tímabil. t.d. að hafa 2 æfingar í viku! Stækka leikmannahópinn upp í 13-14 manns því það mæta aldrei allir í leiki og með stærri hóp eru æfingarnar líklegri til að verða betri. Ekki hleypa mönnum eftir kærustum til útlanda! Ráða sjúkraþjálfara því þetta var orðið alveg ótrúlegt með meiðsli manna á tímabili! Brokeybasket.com up and running! Þeir sem eiga eftir að skila profile geta skilað hvenær sem er til Óla, já eða sett hann sjálfir inn ef þið kunnið það.

Held þetta sé komið gott. Gangið hægt um gleðinnar dyr um næstu helgi á síðustu drykkjuhelgi sumarsins því æfingabúðirnar byrja strax í byrjun Júlí.

Leider
Popparinn