Sælir félagar

Ég byrjaði að skrifa comment en svo nennti ég því ekki. Skuldararnir hafa gert hreint fyrir sínum dyrum og vonandi verða þau mál leyst á allra næstu dögum. Alltaf leiðinlegt að vera leiðinlegi gaurinn að rukka alla, en… vonast til að sjá þessa leikmenn í hópnum á næsta ári og þá heila heilsu og í góðum fíling!
Ég bætti aðeins við reglur og sektir flipann og hef gert uppkast að leikmannasamningi. Spurning um að lögfræðingurinn í liðinu lesi hann yfir og vouchi hann. Verðandi tölvunarfræðingurinn getur kannski sett hann betur upp fyrir mig og gæðastjórinn farið yfir. Þetta verður alveg bullet-proof.

Ef ég tek saman síðasta tímabil mundi það hljóma um það bil svona: (1/3)
Hópurinn byrjaði sterkur og 2 æfingar í viku virtust ætla koma hópnum í ágætt leikform. Hrannar byrjaði tímabilið með 5 villum, var nokkuð ein tækni? man það ekki.
ÍA - Brokey 106-88.

Næst unnum við UMFH í framlengdum leik 86-81 þar sem Óli bakarans sat á leikklukkunni. Var hann ekki meiddur eftir slagsmál í miðbænum?

Næst mætti smávaxið lið Brokey (fyrir utan Óla) hlunkunum í HK. Það að þeir tjölduðu í teignum og léleg strategy-a þjálfarans (sú eina á tímabilinu, vill meina að það hafi verið vegna þess að hann hálfvilltist í Kópavoginum) kostaði okkur þann sigur. Leikur sem hefði átt að vinnast, tapaðist 82-71.

Við áttum harma að hefna gegn Leikni sem hafði farið ílla með okkur tímabilið á undan. Ekki byrjaði það vel… 28-20 undir eftir 1. leikhluta. Í öðrum og þriðja leikhluta skellti Brokey í lás með geðveikri svæðisvörn og lengi vel stefndi í stórsigur þar sem Brokey leiddi með allt að 29 stigum. Úrslitin hins vegar 90-77.

Dalvíkingar kíktu í bæinn. Það verður að segjast að þeir voru með slakasta liðið í riðlinum þetta árið (Sæti sem Brokey hefur átt í gegnum árin) Tíðindalítill leikur sem vannst mjög örugglega 76-48 og Brokey með 3-2 vinningshlutfall og nettó stigaskor réttu megin við núllið.

Þetta er nóg í bili. Framhald væntanlegt!

Leider
Popparinn